Շուշիի «Նարեկացի» արուեստի միութեան տան մէջ, երեխաներու եւ պատանիներու համար անվճար հիմունքներով պիտի իրականացուին կարպետագործութեան եւ կաւագործութեան դասընթացներ: Այս մասին, ըստ Artsakhpress.am-ի, ըսած է «Նարեկացի» արուեստի միութեան համակարգող Անի Գաբլանեան:
Անոր խօսքով՝ ծրագիրը կեանքի պիտի կոչուի միութեան ու Հրայր եւ Աննա Յովնանեան հիմնադրամին համագործակցութեամբ:
«Ընդունելութիւնը կ՝իրականացուի 8-12 եւ 13-18 տարիքային խումբերու համար: Դասընթացները պիտի սկսին Ապրիլ 1-ին եւ պիտի իրականացուին շաբաթը երկու անգամ: Ցանկացողները կրնան արձանագրուիլ մինչեւ Մարտ 28՝ Շուշիի «Նարեկացի» արուեստի միութեան Facebook-ի էջի հաղորդագրութիւն բաժնին ուղարկելով տուեալներ (անուն, մականուն, տարիք, հեռաձայնի թիւ, ել. հասցէ, ծննդավայր) կամ հեռաձայնելով միութեան հետեւեալ թիւերուն՝ (+374) 47-73-14-66, (097) 17-80-85»,- նշած է Ա. Գաբլանեան:
