Հայաստան, ապրուստի աժանութեան տեսակէտէն, աշխարհի երկիրներու առաջին 20-ին մէջ կը գտնուի:
Cost of Living Index 2017 վարկանշային աղիւսակը, որ կազմուած է «Նիւմպէօ» (Numbeo) հետազօտական կեդրոնին կողմէ, կը վկայէ, որ Հայաստան 33.87 վարկանիշով կը մտնէ առաջին քսանին մէջ, մինչ Վրաստան՝ 27.37 վարկանիշով, մտած է ամենաաժան երկիրներու առաջին հնգեակին մէջ:
Ցած գիներ ունեցող երկիրներու ցանկը կը գլխաւորէ Եգիպտոսը, որուն կը հետեւին Հնդկաստանը, Ուքրանիան եւ Փաքիստանը: Վեցերորդ հորիզոնական դիրքը կը գրաւէ Ատրպէյճանը՝ 27.76 վարկանիշով:
Աշխարհի ամենասուղ վայրը Պերմուտեան կղզիներն են (146.19), որոնց կը հետեւին Զուիցերիան (122.06), Իսլանտան (111.71) եւ Նորվեկիան (106.31):
