Հայաստանի Հանրապետութեան ազգային վիճակագրական ծառայութեան տուեալներով` 2016 Դեկտեմբերին, Նոյեմբերի համեմատ, միրգի գիները աճած են 0.6 9.2%-ով: Մայրաքաղաքին մէջ աճը կազմած է 3.1%: Այս մասին, ըստ Armenpress.am-ի, լրագրողներու հետ վերջերս կայացած հանդիպման ընթացքին ըսած է Հայաստանի ազգային վիճակագրական ծառայութեան նախագահի խորհրդական Գուրգէն Մարտիրոսեան:
«Գնաճի ամենաբարձր ցուցանիշը արձանագրուած է Եղէգնաձոր քաղաքին մէջ: Յատկապէս աճ արձանագրուած է տեղական արտադրութեան մրգատեսակներու շուկային մէջ, որ կապուած է բուսաբուծութեան 11.8 տոկոսով անկումով»,- ըսած է Մարտիրոսեան:
Միրգի ապրանքախումբին մէջ 2016 Դեկտեմբերին, 2015 Դեկտեմբերի համեմատ, արձանագրուած է 17.0%, իսկ 2016 Նոյեմբերի համեմատ` 2.8% գնաճ:
«2016 Դեկտեմբերին, Նոյեմբերի համեմատ, հանրապետութեան մէջ արձանագրուած է ընկոյզի միջուկի` 1.5%, տանձի` 10.1%, նրան` 11.0%, խնձորի` 11.8%, խաղողի` 17.6%, արքայանարինջի` 26.9% գնաճ: Անոր զուգընթաց, նարինջի գինը նուազած է 13.4%ով, մանտարինինը` 8.2%ով, ադամաթուզինը` 4.9%ով, չամիչինը` 2.7%ով, իսկ կիտրոնի գինը նշուած ժամանակահատուածին մնացած է անփոփոխ»,- ըսած է ան:
Մարտիրոսեան նշած է, որ բանջարեղէնի ապրանքախումբին մէջ, 2016 Դեկտեմբերին, 2015 Դեկտեմբերի համեմատ, արձանագրուած է 1.0% գնանկում, իսկ 2016 Նոյեմբերի համեմատ` 27.7% գնաճ:
«2016 Դեկտեմբերին, Նոյեմբերի համեմատ, հանրապետութեան մէջ արձանագրուած է սունկի` 1.1%, գետնախնձորի` 2.9%, ստեպղինի` 6.0%, ճակնդեղի` 6.5%, բողկի` 7.9%, սոխի` 9.4%, կանաչ սոխի` 10.9%, կաղամբի` 11.3%, վարունգի` 15.9%, լոլիկի` 28.4%, կանաչեղէնի` 1.8 անգամ, կանաչ լուբիայի` 2 անգամ, կանաչ պղպեղի` 2 անգամ, սմբուկի 2.1 անգամ գնաճ: Ասոր զուգընթաց, ծաղկակաղամբի գինը նուազած է 18.2%ով, սխտորինը` 1.9%ով»,- աւելցուցած է բանախօսը:
2016 Դեկտեմբերին, Նոյեմբերի համեմատ, բանջարեղէնի ապրանքախումբի գիները աճած են 19.039.6% ով: Գնաճի ամենաբարձր ցուցանիշը արձանագրուած է ք. Հրազդանի մէջ: Մայրաքաղաքի մէջ բանջարեղէնի գիները աճած են 26.1%ով:
