Հայաստանի հաւաքականի մարմնամարզիկ Արթուր Դաւթեանը յաղթած է Ողիմպիական խաղերու կրկնակի ախոյեան Միխայիլ Վարոնինի բաժակի խաղարկութեան:
ՀԱՈԿ-ի փոխանցած տեղեկութիւններով` հայ մարմնամարզիկը բազմամարտի ընթացքին հաւաքած է 87.450 միաւոր` դառնալով Վարոնինի բաժակի միջազգային 22-րդ խաղարկութեան ոսկէ մետալակիր: Արծաթէ մետալը նուաճած է ռուս Նիգիթա Նակորնին (86.950), իսկ ճափոնցի Եուդօ Գադոն 86.200 միաւորով յայտնուած է երրորդ տեղը:
Դեկտեմբեր 16-ին մարմնամարզիկները ելոյթ պիտի ունենան առանձին գործիքներու վրայ: Մոսկուայի «Ողիմպիական աւան»-ին մէջ Դեկտեմբեր 14-16 իրականացուող մրցաշարին կը մասնակցին 30 երկրի 140 մարզիկներ:
