Թորոնթոյի միջազգային կինոփառատօնի ընթացքին ներկայացուած Հայոց ցեղասպանութեան առնչուող «Խոստումը» ֆիլմի վերաբերեալ անդրանիկ ցուցադրութենէն ետք իրենց տպաւորութիւններն ու դիտարկումները ներկայացուցած են ֆիլմի ստեղծագործական կազմը` բեմադրիչը, դերասանները եւ արտադրողը:
«Երկար տարիներ ապրած եմ Թեհրան եւ բազմաթիւ հայ ընկերներ ունեցած եմ: Նոյնիսկ հայերէն հաշուել գիտեմ: Չափազանց երջանիկ եւ հպարտ եմ այս նախագիծին մէկ մասը ըլլալու համար: Սա հիանալի, զարմանալի եւ ժամանակակից պատմութիւն է սիրոյ մասին: Ինծի համար մեծ հաճոյք էր աշխատիլ Թերրի Ճորճի եւ Օսքար Այզեքի հետ»,- «Արմենփրես»ի փոխանցմամբ` ըսած է դերասանուհի Շոհրեհ Աղդաշլուն:
Դերասանուհի Անժելա Սարաֆեանը նշած է, որ ինք փոքր աղջիկ էր, երբ պապն ու տատը կը պատմէին Հայոց Ցեղասպանութեան մասին: «Անոնք կը պատմէին, թէ ինչպէս կենդանի մնացած են: Ֆիլմը ինծի համար շատ կարեւոր է: 20 տարի առաջ չէի կրնար մասնակցիլ նման ֆիլմի, հիմա երջանիկ եմ»,- ըսած է դերասանուհին:
«Սենարը կարդալէ ետք քիչ մը վախցայ. հաւանաբար պատճառը այն էր, որ ֆիլմին մէջ իմ հերոսս կը մահանայ: Ծանօթանալով ֆիլմի վրայ աշխատող անձնակազմին` հասկցայ, որ արհեստավարժներու հետ գործ ունիմ, եւ ամէն ինչ հիանալի եղաւ»,- ընդգծած է դերակատար Մարուան Քէնզարին:
Ֆիլմի արտադրող Էրիկ Իսրաիլեանի խօսքով` ֆիլմին մէջ նկարագրուող իրադարձութիւնները շատ կարեւոր են հայ ազգին համար եւ անոնց անհրաժեշտ էր անդրադառնալ: «Կը հպարտանամ մեր կատարած աշխատանքով, մեր խումբի անդամներով եւ կը կարծեմ` ասիկա ֆիլմ է այն մարդոց համար, որոնք իսկական կինօ կ՛ուզեն դիտել»,- ըսած է ան:
«Երբ ինծի հարցուցին` արդեօք լսա՞ծ եմ «Խոստումը» նախագիծին մասին, որուն բեմադրիչը Թերրին է, իսկ գլխաւոր դերակատարը Օսքարը, ես ըսի. «Ի՞նչ»: Չափազանց ուրախ էի եւ միանգամէն համաձայնեցայ մասնակցութիւն ունենալու ֆիլմին մէջ: Սա գեղեցիկ պատմութիւն է սիրոյ մասին, եւ ես չեմ գիտեր, թէ ոեւէ մէկը իրեն ինչպէ՞ս կը պահէ պատերազմի ժամանակ: Իմ հերոսուհին ուժեղ է եւ կրնայ օգնել որբերուն»,- ըսած է Ֆիլմի գլխաւոր դերակատար Շառլոթ Լը Պոնը:
Ֆիլմին բեմադրիչ Թերրի Ճորճը շեշտած է, որ ֆիլմին մէջ իւրաքանչիւր հայու համար կարեւոր թեմայ կը շօշափուի, ուստի ինք փորձած է հնարաւոր չափով զգոյշ ըլլալ: «Սա պատմութիւն է, ուր ներկայացուած է զգացական սիրավէպ, որ կը յուզէ շատերը»,- նշած է բեմադրիչը:
Ֆիլﬕն նկարահանման ծախսերը հոգացած է աﬔրիկահայ գործարար, ﬕլիառատէր Քըրք Քըրքորեանը, որուն մասին յայտնի դարձած է անոր մահուան օրը: Ֆիլմը նկարահանած է «Survival Pictures» կինոընկերութիւնը:
Մայքլը հաﬔստ հայ դեղագործ է, ոչ ձգած է իր գիւղը ու գացած է Կոստանդնուպոլիս` ուսուﬓասիրելու բժշկութիւն: Քրիսը աﬔրիկացի ֆոտոլրագրող է, որ եկած է այդ երկիր, որպէսզի մասնակիօրէն լուսաբանէ աշխարաքաղաքական հարցեր, եւ յարաբերութիւններու է տաղանդաւոր Անայի հետ` Փարիզի մէջ ուսանած հայ նկարչուհի: Երբ Մայքլը կը հանդիպի Անային, անոնց ընդհանուր ժառանգական յիշողութիւնը կայծ կ՛առաջացնէ ու Անան կը դառնայ մրցակցութեան պատճառ երկու տղամարդոց ﬕջեւ: Երբ թուրքերը Առաջին Համաշխարհային պատերազմի ժամանակ կը ﬕանան գերմանացիներուն ու դաժանաբար կ՛ոչնչացնեն Օսմանեան կայսրութեան սահմաններուն մէջ ապրող փոքրամասնութիւնները, հակառակ առկայ հակամարտութեան` իւրաքանչիւրը պէտք է ելք փնտռէ փրկուելու համար։
