To see the video please click on the link
https://www.facebook.com/arpitvt/videos/491785867699088/?fref=nf
Նորվեկիոյ Ֆորտէ քաղաքին մէջ ընթացող ծանրամարտի Եւրոպայի առաջնութեան ծիրէն ներս՝ հայ ծանրորդուհի Նազիկ Աւտալեան դարձած է Եւրոպայի ախոյեան եւ հռչակուած է փոխ ախոյեան: Այս մասին կը հաղորդէ PanArmenian.net-ը։
69 քկ քաշայիններու պայքարի ժամանակ Աւտալեանը ոսկի գրաւած է երկամարտի ժամանակ: Պոկում վարժութեան մէջ ան զիջած է առաջին հորիզոնականը պելառուս Տարիա Բաչապուդին:
Աւտալեանը յայտարարած է, որ յաղթանակը Արցախի բանակինն է. «Յաղթանակս նուիրում եմ Ղարաբաղի տղերքին»,- ըսած է ան:
Նազիկ Աւտալեանը 2009 թուականին Հարաւային Քորէայի Կոյեան քաղաքին մէջ տեղի ունեցած ծանրամարտի աշխարհի առաջնութեան ժամանակ ճանչցուած է աշխարհի ախոյեան՝ դառնալով անկախ Հայաստանի ծանրամարտի առաջին աշխարհի ախոյեանը: Հայ ծանրորդուհին 2011 թուականի Յունուարին ծանր վնասուածքներ ստացած էր ինքնաշարժի արկածէ մը, որ երկար ժամանակ ստիպած էր իրեն ընդհատել ասպարէզը: 2015 թուականին ան վերադարձաւ մեծ մարզախաղ եւ մասնակցեցաւ ծանրամարտի աշխարհի առաջնութեան ու գրաւեց 14-րդ հորիզոնականը:
Նախապէս Հայաստանի ներկայացուցիչ Առաքէլ Միրզոյեանը տղամարդոց 85 քկ քաշային ծանրորդներու C ենթախումբի պայքարին յայտնուած էր 3-րդ տեղը` երկամարտի ժամանակ հաւաքելով 332 քկ, Վանիկ Աւետիսեանը դարձած էր փոքր պրոնզէ մետալակիր` բարձրացնելով 175 քկ:
