Գիւմրեցի քանդակագործ Արթուր Գէորգեանը նամակով դիմած է Ն.Ս.Օ.Տ.Տ. Գարեգին Բ․ Ամենայն Հայոց Կաթողիկոսին՝ խնդրելով Արցախի մէջ ցեղասպանուած մեր հայրենակիցներուն մահուան 40-րդ օրը՝ Հոկտեմբեր 28-ին, եկեղեցիներուն մէջ իրականացնել հոգեհանգիստի կարգ, եւ գերեզմանոցներ գործուղել հայոց բնակավայրերու քահանաները։
Նամակ-ին մէջ նշուած է՝
«Վեհափառ Տէր.
Հոկտեմբեր 28-ին կը լրանայ Արցախի մէջ ցեղասպանուած մեր հայրենակիցներուն մահուան 40-րդ օրը։
Դաժանագոյն, սահմռկեցուցիչ իրադարձութենէ արթննալ չենք կրնար եւ մեր սփոփանքը չենք գտներ ցաւէն ու համազգային ցնցումէն։
Իբրեւ Հայ Առաքելական Եկեղեցւոյ հետեւորդ՝ իմ եւ իմ բազմաթիւ ընկերներու անունով հոգաչափ կը խնդրենք Ձեզ այդ օրը եկեղեցիներուն մէջ իրականացնել հոգեհանգիստի կարգ, եւ գերեզմանոցներ գործուղել հայոց բնակավայրերու քահանաները։
Արդարեւ, եթէ չունինք մխիթարութիւն մարդոց մէջ, մխիթարանք ու սփոփանք կ՝ակնկալենք Աստուծմէ եւ Հայ Առաքելական եկեղեցիէն։
Խոնարհանքս Ձեզ եւ հայոց քահանայաց դասին։
Քանդակագործ Արթուր Գէորգեան»։
