Ռումանիոյ մէջ ընթացող ճատրակի Եւրոպայի կանանց անհատական ախոյեանութեան ընթացքին Լիլիթ Մկրտչեանը խաղալով ատրպէյճանցի կանանց կրանտմաստըր Գիւնա Մամազատայի հետ պարտութեան մատնեց զայն:
Յաղթանակ տօնեցին նաեւ Մարիա Կուրսովան ու Մարիա Գէորգեանը, իսկ Լիլիթ Գալոյեանը կէս միաւոր վաստակեց: Եօթներորդ պտոյտէն առաջ Լիլիթ Մկրտչեանը 4,5 միաւորով կը բաժնէ 2-13-րդ հորիզոնականները, սակայն լրացուցիչ գործակիցներով 10-րդ տեղն է: Մարիա Կուրսովան 4,0 միաւորով կ’ընթանայ 19-րդ հորիզոնականին վրայ:
