Հրետանային ստորաբաժանումներու հրամանատարներու եւ վարչութեան սպաներու մարտական պատրաստութեան մակարդակը բարձրացնելու եւ անձնակազմին նոր հմտութիւններ ու որակներ հաղորդելու նպատակով՝ Նոյեմբեր 15-ին, ՊԲ հարաւային ուղղութեամբ տեղակայուած հրետանային զօրամասերէն մէկուն մէջ՝ զօրաբաժանման կազմով իրականացած է մարտավարական զօրավարժութիւն` մարտական կրակի կիրառումով:
Արցախի ՊՆ-ի փոխանցած տեղեկութիւններով՝ զօրավարժութիւններուն հետեւած է ԱՀ ՊՆ, ՊԲ հրամանատար, զօրավար-սպայապետ Լեւոն Մնացականեանը:
Զօրավարժութեան ընթացքին՝ պայմանական մարտադաշտի վրայ խաղարկուած են հակառակորդի յանկարծակի յարձակումը ետ մղելու գործողութիւններ, Դ-20 տեսակի հրանօթներէ իրականացուած է ուղիղ նշանառութեամբ կրակ:
Զօրախաղերուն ընթացքին արձանագրուած արդիւնքները պարզորոշած են, որ մասնակից անձնակազմը պատրաստ է իրական մարտադաշտի վրայ եւս բարձր մակարդակով կատարել իր առջեւ դրուած մարտական խնդիրը:
