2011-ի մարդահամարի հիմքով տեղի ունեցող բնակչութեան ընթացիկ հաշուառումով, ՀՀ մշտական բնակչութեան թուաքանակի ցուցանիշը 2018-ի Ապրիլ 1-ի դրութեամբ կազմած է 2 միլիոն 969.9 հազար մարդ, որոնց մէջ քաղաքային բնակչութեան թիւը` 1 894.5 հազար մարդ, գիւղականը` 1 075.4 հազար մարդ:
ՀՀ ազգային վիճակագրական ծառայութեան հրապարակած տուեալներուն համաձայն` նախորդ տարուան նոյն ժամանակահատուածին ՀՀ մշտական բնակչութեան թիւը եղած է 2 միլիոն 981.5 հազար մարդ, այսինքն, մշտական բնակչութիւնը նուազած է 11 հազար 600-ով:
2018-ի առաջին եռամսեակին Հայաստանի մէջ ծնած է 8 հազար 225 երեխայ, ինչ որ 2017-ի նոյն ժամանակահատուածի համեմատ նուազած է 311-ով, իսկ 2016-ի համեմատ` 900-ով:
Վիճակագրութեան համաձայն՝ Հանրապետութեան մէջ 2018-ի Յունուար-Մարտին 1000 տեղի ունեցած ամուսնութիւններու համեմատ արձանագրուած է ամուսնալուծութեան 285 դէպք` 2017-ի Յունուար-Մարտին արձանագրուած 274 դէպքի համեմատ:
