Ապրիլ 27-ին Հայաստան տեղափոխուած «Tank Biathlon -2014» միջազգային մրցոյթի ընթացքին հայ հրասայլորդներու նուաճած մրցանակը` Տ-90Ս հրասայլը:
Ինչպէս կը հաղորդէ ՀՀ ՊՆ մամուլի ծառայութիւնը, հրասայլը արտադրուած է 2015-ի Դեկտեմբերին եւ պիտի համալրէ զինուած ուժերու սպառազինութիւնը:
Յիշեցնենք, որ ՌԴ «Alabino» զօրավարժարանին մէջ տեղի ունեցած «Tank Biathlon -2014» միջազգային մրցոյթին մասնակցող հայ հրասայլորդները փայլուն յաղթանակ ունեցած էին` նուաճելով մրցոյթի երկրորդ տեղը ու որպէս լաւագոյն արտասահմանեան հաւաքական` մրցոյթի կազմակերպիչ Ռուսիոյ պաշտպանութեան նախարարութենէն ստացած էր մրցանակ` մէկ միաւոր Տ-90Ս հրասայլ:
Ի դէպ, ի տարբերութիւն մրցոյթին մասնակցող 12 պետութիւններու հաւաքականներուն` հայկական զինուած ուժերու հաւաքականը կազմուած էր նաեւ ժամկէտային զինծառայողներէ:
