Արցախի Ազատագրական շարժման 30-րդ տարեդարձին նուիրուած աշխատանքները համադրող յանձնախումբը կը տեղեկացնէ, որ իր որդեգրելիք լոկոյին համար յայտարարուած մրցոյթը շահած է Մայքըլ Սրուրեանի ստեղծագործութիւնը:
Ինչպէս խոստացուած էր, Սրուրեան պիտի ստանայ արցախեան գորգ մը՝ առ ի գնահատանք իր ներդրումին:
Չորս այլ մասնակիցներ՝ Յովիկ Զեքի, Ալեքս Քաւլաքեան, Անտրէյ Սարգսեան եւ Միքայէլ Լուժան, պիտի ստանան գնահատանքի յատուկ վկայագիրներ, կը հաղորդէ “Ասպարէզ”-ը:
