Մոնթրէալի քաղաքապետ՝ Պարոն Տընի Քօտէր, հպարտ է, տիար Յարութիւն Շիթիլեանը Մոնթրէալի Ahuntsic-Cartierville համայնքի քաղաքապետի թեկնածու յայտարարել:
Յարութիւն Շիթիլեան Մոնթրէալի վերոնշեալ ընտրամասի քաղաքապետական խորհուրդի անդամ ընտրուած է առաջին անգամ 2009-ին, իսկ 2011-ին ընտրուած է Մոնթրէալի քաղաքապետական խորհուրդի նախագահ:
Յարութը լիովին հետաքրքրուած է Պորտօ Գարթիէվիլի համայնքով:
2013 թ. ընտրութիւններէն ետք Մոնթրէալի քաղաքապետ Տընի Քօտէր անոր վստահած է Մոնթրէալ քաղաքը «խելացի եւ թուային քաղաք» դարձնելու մարտահրաւէրը: 2014 թուականէն ի վեր, ան յաջողցուցած է շարք մը կարեւոր ձեռքբերումներ, ներառեալ ձիւն հաւաքելու գործընթացի թուայնացումը, նաեւ աւելի քան 180 քաղաքային ծառայութիւններու թուայնացում, աջակցելով Գանատայի առաջին «խելացի քաղաքային պիզնէսի արագացուցիչի» ստեղծմանը:
Մոնթրէալի «Թէքէեան» Մշակութային Միութիւնը, Ռամկավար Ազատական Կուսակցութիւնը եւ «Ապագայ» շաբաթաթերթը կը շնորհաւորեն երիտասարդ եւ տաղանդաւոր քաղաքական գործիչ Յարութ Շիթիլեանին իր առաջադրման համար եւ լիակատար աջակցութիւն կը յայտնեն անոր:
ԹՄՄ, ՌԱԿ, «ԱՊԱԳԱՅ»
Մոնթրէալ
