Յառաջիկայ 13 Ապրիլին Սուրիոյ մէջ պիտի կայանան Խորհրդարանական ընտրութիւնները: Լրատուական աղբիւրներ կը յայտնեն, թէ յստակացած են Դամասկոսի հայ թեկնածուներուն անունները: Այսպէս Դամասկոսէն պաշտօնապէս իրենց թեկնածութիւնը առաջադրած են Տիար Վահէ Մահշիքեան, Օրդ. Երատօ Գրիգորեան եւ Դոկտ. Նորա Արիսեան:
Դամասկոսի համայնքն իրաւունք պիտի ունենայ խորհրդարանին մէջ առնուազն մէկ աթոռ ունենալու, բայց եւ այնպէս կարեւոր աշխատանքներ կը տարուին, որպէսզի համայնքը խորհրդարանական երեք աթոռներ ունենայ:
Դամասկոսի երեք հայկական համայնքներու պատասխանատուները տարբեր առիթներով յայտնած են, թէ իրենք միջամուխ պիտի չըլլան յառաջիկայ ընտրութիւններուն եւ ազատ ձգած են թեկնածու ներկայանալու հարցը:
